Kuo fakamafaiʻi ʻe he Poate Talāsiti Tiliuefí ha Fakatotolo Tauʻatāina ke mahino ange e natula mo e lahi ʻo e ngaohikoviá he ʻApiako Tiliuefí, ko e tali ʻa e ʻApiakó ki he ngaahi lāunga ngaohikoviá he taimi ko iá, ʻo kau ai e tuʻunga feʻunga ʻo e ngaahi ngāue ne faí, mo e ngaahi makatuʻunga ne tupu ai pe tānaki atu ki he hoko ʻa e ngaohikoviá.
Ko e ngaahi taumuʻa ʻa e Poaté ki he Fakatotolo Tauʻatāiná ke ako mei he ngaahi ola ʻo e fekumí mo e ngaahi fokotuʻu fakakaukaú ke lava ʻo mahino ki he Poate Talāsiti Tiliuefí mo e komiunitií ʻa e lahi kanokato ʻo e ngaohikovia kuo hoko ʻi he ʻApiakó pea mo e maumau kuo hoko ai ki he kau toʻa Kolisi Tutuku ne ngaohikoviá, kae pehē ki hono fakapapauʻi mo fakaleleiʻi e tokangaekina, hao, mo hono maluʻi ʻo e fānau ako lolotonga mo e kahaʻu ʻo e ʻApiako Tiliuefí.
ʻOku fakahoko māvahevahe pē ʻa e Fakatotoló, ka ʻe lele fakataha ia mo ha Polokalama Fakatonutonu Tauʻatāina Tiliuefi maʻae kau toʻa Kolisi Tutuku ne ngaohikoviá. Naʻe faʻu ʻa e Polokalama Fakatonutonú ke vakaiʻi e ngaahi fakamatala fakafoʻituitui mei he kau toʻa Kolisi Tutuku ne ngaohikoviá, fekauʻaki mo e ngaohikovia fakasekisuale mo mafatukituki fakatuʻasino ne nau foua lolotonga ʻenau ako ʻi he ʻapiakó. Te ke lava ʻo maʻu ha fakamatala lahi ange ki he kau mai ki he Polokalama Fakatonutonú ʻi he uepisaiti ki he Tali mei Tiliuefí ʻaki hoʻo lomi ʻa e fehokotakinga ko ení: