E ū ana mātou ki te āwhina i ngā tūora kia whai tautoko tika i a rātou e mahi tahi ana ki a mātou.
E ū ana te Whakatewhatewhatanga ki te pupuri i te oranga o te hunga ka kōwhiri ki te whai wāhi mai ki te tukanga. Katoa te hunga ka whai wāhi ki te Whakatewhatewhatanga ka āhei te toro atu ki te Rūnanga Oranga me tana tīma mātanga e taunga ana ki te mahi tahi ki ngā tūora tūkinotanga me ngā ngaukinotangatanga.
Mā ngā Kāpehu Oranga e āwhina te hunga e rēhita ana ki te whai wāhi ki te Whakatewhatewhatanga, e tautoko, ā, e whakawhiti anō hoki ki ngā ratonga tūora me ētahi atu ratonga tautoko. Kei te whakamahi te Rūnanga i tētahi anga whakahaere e ai ki te manaakitanga. Nā reira ka tūhono ngā Kāpehu i ngā tūora, ngā whānau me ngā kaiuru katoa ki ngā momo tautoko, i te wā tonu o te tuku haere i ngā kōrero i waenganui i te Whakatewhatewhatanga, ngā tūora, me ētahi atu momo tautoko ka hiahiatia. Ka kakari ngā Kāpehu Oranga ki te whakatairanga i ngā mātāpono o te tiaki e ai ki te ngaukinotangatanga i raro i ngā tikanga Māori o aroha, o manaakitanga, o whanaungatanga me kaitiakitanga. Ahakoa ngā ao o ngā kaiuru, ka mahi tahi te Rūnanga Oranga ki a rātou ko ō rātou whānau, ko ngā taituarā hei whakaū i te whakatinanatanga o ngā wawata.
E wātea tonu ana Te Ratonga Whakarongo ki ngā Tama o Mua katoa o Dilworth kei Aotearoa, kei tāwāhi rānei, i pāngia ki te tūkinotanga nōna i te Kura, ā, e pīrangi ana ki te uru atu ki ētahi ratonga tohuora ngaio, muna anō hoki. He mea tuku aua ratonga nā te Ratonga Whakarongo tonu rānei, nā tētahi whakawhititanga rānei ki kaimātai hinengaro kē atu, kaitohuora kē atu rānei ka kōwhiria e koe, ka mutu, he kore utu. E wātea ana tēnei ratonga mā te ipurangi, ā, ā-tinana anō hoki.
Te Ohaakii a Hine – National Network Ending Sexual Violence Together
Peer Support for male survivors of sexual abuse.
Men and Healing
Criphase