Kua tonoa e te Poari Kaitiaki o Dilworth tētahi Whakatewhatewhatanga Motuhake hei tō mai i te māramatanga ki te āhua me te rangiwhāwhātanga o ngā tūkinotanga ki Te Kura o Dilworth, ki te urupare a te Kura ki ngā amuamu tūkinotanga i taua wā, tae ana ki te rawaka o ngā mahi me ngā āhuatanga i hua ake ai, i tutungi rānei i te putanga o ngā tūkinotanga.
Ko ngā whāinga o te Poari i te wāhi ki te Whakatewhatewhatanga Motuhake he ako mai i tāna i tūhura ai me tāna i tūtohi ai kia mārama ai te Poari Kaitiaki o Dilworth me te hapori anō hoki ki te rangiwhāwhātanga katoa o ngā tūkinotanga i puta i te Kura me ngā whakatūrorotanga kua pā ki ngā tūora Tama o Mua. He whakaū hoki, he whakapai ake anō i te manaakitanga, i te haumarutanga me te tiakitanga o ngā tauira o nāianei me ngā tauira o āpōpō e kuraina ana ki Te Kura o Dilworth.
E noho motuhake ana te Whakatewhatewhatanga i te Hōtaka Puretumu o Dilworth mō ngā tūora Tama o Mua, engari ka whakaterea ēnei i te wā kotahi. Kua hangaia Te Hōtaka Puretumu hei whakamātau i ngā kerēme motuhake a ngā tūora Tama o Mua e hāngai ana ki ngā wheako pāwheratanga, haupatutanga rānei nō rātou e tauira ana i te kura. Kite ai ētahi whakamāramatanga atu anō mō te whai wāhi ki te Hōtaka Puretumu ki te pae tukutuku o te Urupare a Dilworth mā te pāwhiri i te hononga o raro iho nei: