Lautele o le Su'esu'ega Fa'apitoa

O Aiaiga o Galuega Fa'atino a le Su'esu'ega Fa'apitoa Tuto'atasi ua ma'ea ona fa'atulagaina e le au Su'esu'e Fa'apitoa i le ma'ea ai o le sa'iliga o manatu o Tama Tuai na fa'asaoina mai i sauaga, sui o aiga ma le komiuniti lautele a le A'oga a Dilworth. O ta'iala o lo'o fa'atulaga ai le mafua'aga o le Su'esu'ega Fa'apitoa, o lona lautele, o faiga fa'avae a le Su'esu'ega Fa'apitoa ma le aso e kiliva atu ai le lipoti o le Su'esu'ega Fa'apitoa.

O le a iloilo e le Su'esu'ega Fa'apitoa le natura ma le lautele o feusua'iga fai fa'amalosi ma sauaga matuia o le tino o tamaiti a'oga i le A'oga a Dilworth, mai le 1950 e o'o i le taimi e ma'ea ai le Su'esu'ega Fa'apitoa. O le lautele o Su'esu'ega Fa'apitoa e aofia ai:

Vaega na mafua ai pe na fesoasoani i le tula'i mai o feusua'iga fai fa'amalosi ma sauaga matuia o le tino o tamaiti a'oga a le A'oga a Dilworth, e aofia ai:
- fausaga, faiga po'o mafua'aga fa'a le aganu'u;
- ni gaioiga ma fa'atinoga e le'i faia e le A'oga, ana tausi mavaega ma le aufaigaluega fa'apea isi tagata i le fa'atinoga, fa'atagaina ma le una'ia o ia sauaga
- le iloiloina, fa'afaigaluegaina, a'oa'oina, fa'atinoina, pulea ma le va'aia o tagata faigaluega ma isi na a'afia i le fa'atinoga o le tausiga
- o tulafono ma faiga fa'avae a le A'oga ma ta'iala sa fa'aaogaina i taimi tatau e fa'ailoa ai ni popolega, po'o le faia o ni faitioga, e uiga i sauaga;
- le aganu'u a le A'oga i taimi talafeagai, e aofia ai ituaiga amio e fa'atagaina pe fautuaina i le va o tamaiti a'oga o le A'oga.
ni gaioiga ma ni fa'atinoga e le'i savalia e le A'oga, le au tausi mavaega, pulega ma le aufaigaluega e tali atu ai, pe fa'atalanoa ai, ni faitioga e uiga i sauaga:
- pe na iloa e ia tagata, pe sa tatau na latou iloa, ni sauaga sa tula'i mai i le A'oga;
- pe o le a, pe afai na iai, sa latou gaoioiga na tali atu i so'o se faitioga i sauaga;
- pe sa iai ni taumfaiga e ufiufi pe fa'alafi mea na iloa po'o lipoti o ni sauaga;
- pe fa'amata o le tali atu i faitioga o sauaga (e aofia ai le ola a'oa'oina ma le toe fa'aleleia) sa talafeagai ma faiga lelei i le taimi na tupu ai sauaga.
pe o talafeagai tulafono ma faiga fa'avae a le A'oga i le taimi nei e malu puipuia ai le soifua maloloina ma le ola manuia o tamaiti a'oga i lenei vaitaimi fa'apea le lumana'i.

E te maua le Aiaiga Mulimuli o Galuega Fa'atino a le Su'esu'ega Fa'apitoa Tuto'atasi a le A'oga a Dilworth i lou o'omiina o le vaega lea:

AIAIGA O GALUEGA FA'ATINO A LE SU'ESU'EGA FA'APITOA TUTO'ATASI

E te maua le Aiaiga Mulimuli o Galuega Fa'atino a le Su'esu'ega Fa'apitoa Tuto'atasi a le A'oga a Dilworth i le gagana Maoli i lou o'omiina o le vaega lea:

AIAIGA O GALUEGA FA'ATINO I LE GAGANA MAOLI

O lo'o matou atina'eina ni faiga e ausia ai le fa'amoemoe o le Su'esu'ega Fa'apitoa, e pei ona fa'ailoa atu i Aiaiga o Galuega Fa'atino. O lenei upegatafa'ilagi e maua ai ni tala lata mai pe a ma'ea galuega atiina'e o lo'o fa'atino. O'omi le vaega lea pe afai e te mana'o e logo atu oe i nisi tala lata mai i le lumana'i e uiga i le Su'esu'ega Fa'apitoa a le A'oga a Dilworth.