Ua tofia e le Fono Fa'atonu a le A'oga a Dilworth se Su'esu'ega Fa'apitoa Tuto'atasi ina ia tu'uina atu se malamalam'aga e uiga i le natura ma le lautele o sauaga i le A'oga a Dilworth, o le tali atu a le A'oga i faitioga e uiga i sauaga i lena taimi, e aofia ai gaioiga talafeagai na fa'atino, ma vaega na mafua pe na fesoasoani i le tula'i mai o ia sauaga.
O le fa'amoemoe o le Fono Fa'atonu mo le Su'esu'ega Fa'apitoa ina ia maua ni lesona mai ana sa'ili'iliga ma fautuaga ina ia malamalama le Fono Fa'atonu ma le komiuniti i le lautele o sauaga na tula'i mai i le A'oga ma ona a'afiaga na a'afia ai Tama Tuai na fa'asaoina mai i sauaga ma ia fa'amautinoa ma fa'aleleia atili le tausiga, saogalemu ma le puipuia o tamaiti a'oga o lo'o a'o'oga i le taimi nei i le Aoga a Dilworth.
O lo'o fa'agasolo le Su'esu'ega Fa'apitoa e ese mai, ae fai fa'atasi, ma le Polokalame o le Toe Fa'aleleia Tuto'atasi mo Tama Tuai na fa'asaoina mai i sauaga. O le Polokalame o le Toe Fa'aleleia ua fuafuaina e iloilo ai tagi a tagata ta'itoatasi mai Tama Tuai na fa'asaoina mai i sauaga o feusua'iga fai fa'amalosi po'o sauaga matuia o le tino na a'afia ai a o avea ma tamaiti a'oga. E mafai ona e maua nisi fa'amatalaga e uiga i lou auai i le Polokalame o le Toe Fa'aleleia i le upegatafa'ilagi o le Tali atu a le A'oga a Dilworth i le o'omiina o le fa'amatalaga i lalo: