Ola Manuia ma Auaunaga Fesoasoani

Matou te ta'utino atu o le a matou fesoasoani ia maua e tagata na fa'asaoina mai i sauaga fesoasoani talafeagai ua fa'atulagaina pe a matou fefa'asoa'ai.

Fesoasoani mo le Ola Manuia

Ua sauni le Su'esu'ega Fa'apitoa e fa'atumauina le ola manuia o i latou ua filifili e auai i le su'esu'ega. O i latou uma e auai i le Su'esu'ega Fa'apitoa o le a maua le avanoa e fa'aaoga ai le aufaigaluega fa'apitoa a le Iunite o le Ola Manuia lea e iai le tomai fa'apitoa e galulue ai ma i latou na fa'asaoina mai i sauaga ma manu'aga.

O le a fesoasoani atu tagata Fa'atonu Folau o le Ola Manuia i tagata e lesitala e auai i le Su'esu'ega Fa'apitoa, tu'uina atu fesoasoani, ma fa'atulaga ni fa'atalanoaga fa'afaufautua po'o nisi auanaga fesoasoani. E fa'aaoga e le Iunite se faiga fa'ata'ita'i o le galulue fa'atasi ma fetufa'ai. O lona uiga, e fa'afeso'ota'i e tagata fa'atonu folau tagata na fa'asaoina mai i sauaga, aiga ma tagata auai uma i auaunaga fesoasoani a'o latou fa'atonutonuina le fegasoloa'i o fa'amatalaga i le va o le Su'esu'ega Fa'apitoa, tagata na fa'asaoina mai i sauaga, ma ni auaunaga fesoasoani talafeagai. O le a taumafai le aufaigaluega a le Fa'atonu Folau o le Ola Manuia e fa'atumauina faiga fa'avae o le tausia o tagata na fa'asaoina mai i sauaga e fua i tu ma aga fa'a Maoli o le alofa, tausiga, fa'aleleia o le va fealoa'i ma le fa'amautinoa o lo'o iai le puipuiga ma le tausiga i matou faiga fa'avae. Po'o le a lava le tala'aga o sui auai, o le a galulue fa'atasi le Iunite o le Ola Manuia ma oe, lou aiga po'o se tagata fesoasoani ina ia mautinoa o lo'o fa'amalieina ou mana'oga.